ᐱᓕᕆᔭᕗᑦ

ᑖᑯᓂᖓ ᐱᔨᑦᑎᕋᐅᑎᓂᒃ ᑐᓂᓯᒐᔭᖅᑐᑦ ᐃᓚᐅᑎᑦᑎᑎᐊᕐᓗᓂᓗ ᑭᓇᑐᐃᓐᓇᕐᒥᒃ ᐃᓕᖅᑯᓯᕐᒥᒡᓗ ᐃᓚᐅᑎᑦᑎᑦᑎᐊᕐᓗᓂ. ᐃᓗᐊᖅᓴᐃᔨᐅᙱᑦᑐᒍᒃ ᑭᓯᐊᓂ ᐃᓚᒋᔭᐅᔪᒍᑦ ᐃᕐᓂᓂᕐᒧᑦ ᐃᑲᔪᖅᑎᒌᓄᑦ.

ᓯᖓᐃᓂᖅ ᐊᑲᐅᖏᑦᑐᒦᑐᐃᓇᕆᐊᖃᕐᒪᑦ. ᐃᓄᐃ ᐊᑐᓂ ᐱᔭᕆᐊᖃᖅᑕᖏᑦ ᐊᔨᒌᙱᒪᑕ ᑭᓯᐊᓂ ᐊᑕᐅᓯᖅ ᑖᓇᓴᐃᓇᐅᙱᓇᐅᔭᖅᑐᖅ ᐃᑲᔪᖅᑐᖅᑕᐅᓂᖅ ᐱᔭᐅᔭᕆᐊᖃᐃᓐᓇᐅᔭᖅᑐᖅ. ᐃᕐᓂᕙᒃᑐᓕᒫᑦ ᐱᕚᓪᓕᕋᔭᖅᑐᑦ ᐃᑲᔪᖅᑕᐅᒍᑎᒃ ᐃᕐᓂᓱᖕᓂᕐᒥᒃ ᐱᔨᑦᑎᕋᕐᕕᐅᔪᒥ. ᐱᔨᑦᑎᕋᓂᐅᔪᑦ ᐊᑲᐅᓯᕚᓪᓕᕈᑎᒪᕆᐅᔪᖅ ᐱᔭᐅᒍᓂ, ᐃᕐᓂᐅᕐᓂᒧᑦ ᑲᑎᒪᓯᓐᓈᓗᓂ ᐃᓕᓐᓂᐊᕐᓂᖅ ᐊᒻᒪᓗ ᐃᕐᓂᓚᐅᖏᑎᓪᓗᒍ ᐃᓕᓐᓂᐊᕐᓂᖅ, ᐱᖃᑎᒥᓂᓪᓗ ᑕᓯᐅᑦᑕᐅᓂᖅ (ᐃᑲᔪᖅᑕᐅᓂᖅ) ᐃᕐᓂᕕᖕᒦᓕᖅᑎᓪᓗᒍ, ᐊᑯᓂᐅᔪᒥᒃ ᐃᑲᔪᖅᑐᖅᑕᐅᓂᖅ ᐃᕐᓂᓵᓂᑯᓂᒃ ᑲᒪᓂᖅ, ᐃᕕᐊᖏᕐᒥᓪᓗ ᐊᒫᒪᒃᑎᑦᑎᓂᕐᒧᑦ ᐃᖃᔪᑕᐅᑎᐊᕐᓗᑎᒃ.

ᐆᒻᒪᑎ ᐊᓈᓇᐅᓂᕐᒧᑦ ᐃᑲᔪᖅᑐᐃᓂᕐᒧᑦ ᐱᓕᕆᐊᒃᓴᖅ ᕿᑐᕐᖏᐅᕐᓂᕐᒧᑦ ᐃᓕᓐᓂᐊᖅᓯᓐᓈᓗᓂ ᑲᑎᒪᓂᖅ

ᑐᕌᖅᑕᕗᑦ ᐃᕐᓂᕙᒃᑐᓄᑦ ᐱᖃᑎᖏᓐᓄᓪᓗ ᑐᓴᑲᓐᓂᖁᓪᓗᒋᑦ ᓴᖏᑎᑉᐹᓕᖁᓪᓗᒋᑦ, ᐃᑲᔪᖅᑐᖅᑕᐅᓂᒃᑯᑦ ᓯᖓᐃᑎᓪᓗᒋᑦ ᓄᑕᕋᓛᖏᓪᓗ ᐃᓅᓕᓵᑎᓪᓗᒋᑦ. ᐊᑯᓂᐅᔪᒥᒃ ᐱᐅᓂᖃᕈᓐᓇᕐᒪᑦ ᑐᕌᒐᕆᔭᕗᑦ ᐃᓅᓯᕆᒃᓂᖅᓴᐅᓗᑎᒡᓗ ᐃᓚᒌᑦ ᐊᔪᙱᓐᓂᖅᓴᐅᓇᓱᒋᓗᑎᒡᓗ ᐊᖓᔪᖄᖑᓂᕐᒧᑦ. ᐊᑲᐅᓂᖅᓴᒥᒡᓗ ᐱᑎᑦᑎᒐᔭᒪᑦ ᐃᕐᓂᓱᒃᑐᒥᒃ ᑲᓂᒪᓂᒃᑰᖓᖏᓪᓗᓂ ᐃᓕᖅᑯᓯᒃᑰᖓᓗᓂ ᓈᒻᒪᑦᑎᐊᖅᑐᒥᒡᓗ ᐃᑲᔪᖅᑐᖅᑕᐅᓲᔭᖅᓗᓂ.

ᑭᓱᕙᐃᓐᓇ ᐱᐊᓂᒃᐸᑕ ᑐᕌᕐᕕᒃ ᐃᓚᒋᔭᐅᓚᐅᖅᑐᓄᑦ ᐃᓕᓐᓂᐊᕐᓂᕐᒧᑦ:

ᐸᕐᓇᒃᓯᒪᔭᕗᒍᑦ ᐱᓕᕇᓐᓇᓗᑕ ᐱᓕᕆᐊᒃᓴᒥᒃ ᐊᒻᒪᓗ ᐸᐃᑉᐹᒥ ᓇᓗᓇᐃᒃᑯᑕᖅᑖᖅᑎᑦᑎᓗᑕ ᐃᖅᑲᓇᐃᔭᖅᑎᓂᒃ. ᐊᔪᕈᓐᓃᕐᓂᕐᒧᑦ ᓴᖅᑭᑕᐅᔪᖅ ᑐᑎᕕᐅᕗᖅ ᑕᐅᕗᖓ ᒥᒃᓵᓄᑦ.

ᐱᓕᕆᐊᒃᓴᒥ ᐱᖃᑎᒋᔭᐅᔪᖅ: ᑕᓯᐅᖅᑎᒌᑦ ᑲᑐᔨᖃᑎᒌᑦ

ᑕᓯᐅᖅᑎᒌᑦ ᖃᓄᐃᙱᑎᐊᓂᒥᒃ ᐱᓕᕆᖃᑦᑕᖅᑐᑦ ᓄᓇᑦᑎᓐᓄᑦ. ᑲᓇᑕᒥ ᓂᕿᑎᐊᕙᓂᒃ ᐱᓕᕆᓂᖅ, ᐱᓕᕆᖃᑎᖃᑦᑕᖅᑐᑦ ᐊᕐᓇᓂᒃ ᓯᖓᐃᔪᓂᒃ ᐅᕝᕙᓘᓐᓃᑦ ᕿᑐᕐᖓᓛᖃᖅᑐᓂᒃ ᒪᕐᕉᓂ ᐅᑭᐅᖃᖅᑐᒧᑦ. ᐊᔪᓇᖏᒃᑐᓂᒃ ᒥᖅᓱᖅᑎᑦᑎᖃᑦᑕᖅᑐᒍᑦ ᓂᕿᓕᐅᖅᑎᑦᑎᕙᒃᖢᑕᓗ ᑕᑎᖃᖃᑦᑕᖅᑐᒍᑦ ᐊᕐᓇᓂᒃ ᓄᓇᓕᑦᑎᓐᓃᑦᑐᓂᒃ.

ᓂᕿᑎᐊᕙᓂᒃ ᑕᒧᓗᖕᓇᕐᓂᐊᑐᑦ ᑖᒃᓯᕈᑎᒃᓴᖅᑖᖅᑎᑕᐅᖃᑦᑕᕐᓂᐊᖅᑐᑦ ᖃᐅᑕᒫᑦ. ᖃᐃᓗᓯ ᐊᐱᕆᖃᖅᑕᓂᐊᖅᐳᓯ, ᐃᑲᔪᖅᑐᖅᑕᐅᔪᑎᒃᓴᓯᓐᓂᒡᓗ ᐱᓇᓱᒡᓗᓯ ᐅᕝᕙᓘᓐᓃᑦ ᐃᓕᒃᑲᓐᓂᕐᓗᓯ ᓄᑖᒥᒃ. ᐅᖄᓚᓗᑎᑦ 979-6301ᒧᑦ ᖃᐅᔨᒃᑲᓐᓂᕋᓱᒡᓗᑎᑦ. ᐃᓚᒋᙱᑕᖓᒍᑦ ᐅᓪᓗᑉ ᓇᑉᐸᖓᓂ ᐃᓕᓂᐊᕆᐅᖅᓴᕐᕕᖕᒦᑎᑦᑎᔪᓐᓇᖅᑐᒍᑦ (CAPC), ᐊᑕᐅᓯᖅ ᖃᓪᓗᓈᑎᑐᑦ ᐊᑕᐅᓯᕐᓗ ᐃᓄᒃᑎᑐᑦ, ᐃᑲᔪᕐᓗᒋᑦ ᓄᑕᖅᑲᑦ ᐃᓕᓐᓂᐊᓕᓵᖅᑐᓄᑦ ᐸᕐᓇᐅᑎᓗᒋᑦ. ᐃᓚᐅᒋᑦ ᐅᑕᖅᑭᔪᓂ ᐅᓪᓗᒥ ᑭᑐᕐᖓᐃᑦ ᐃᓚᒋᔭᐅᑐᐃᓐᓇᕆᐊᖃᕐᒪᑦ ᑎᓴᒪᓂ ᐊᕐᕌᒍᖃᓕᕈᓂ. ᐃᑭᐊᖅᑭᕕᑯᑦ ᑎᑎᕋᕐᓗᑎᑦ tasiuqtigiit@qiniq.com ᐅᑕᑭᖁᔨᔪᓄᑦ ᑕᑕᑎᖓᒃᓴᒥᒃ ᐱᔪᓐᓇᖅᐳᑎᑦ. ᐊᐱᖁᑎᒃᓴᖃᕈᕕᑦ 979-6089 ᐅᖄᓚᓗᑎᑦ.

ᐃᓕᓐᓂᐊᕐᓂᖅ ᑮᓇᐅᔭᖃᖅᑎᑕᐅᔪᖅ: ᒪᑭᒋᐊᖅᑕᒃᑯᓐᓂᑦ ᐃᓄᓂᒃ ᐃᓕᓐᓂᐊᖅᑎᑦᑎᓂᖅ ᑯᐊᐳᕇᓴᒃᑯᑦ
ᐅᖃᖃᑎᒋᓪᓗᒋᑦ ᖃᐅᔨᕚᓕᕈᑎᒃᓴᐃᓪᓗ: ᐱᕈᖃᑎᒌᑦ ᐃᒥᐊᓗᖕᒧᑦ ᐊᒃᑐᖅᑕᐅᓯᒪᔪᓄᑦ ᖃᐅᔨᕚᓪᓕᕈᑎᑖᕐᕕᒃ, ᑲᒪᑎᐊᖅᑐᑦ ᐃᓱᒫᓗᒃᑐᓄᑦ ᐅᖄᓚᕕᒃ, ᓄᓇᕗᒻᒥ ᐊᕕᒃᑐᖅᓯᒪᔪᓄᑦ ᐋᖅᑭᒃᓱᐃᕕᒃ