ᐃᖅᑲᓇᐃᔭᖅᑐᑦ
ᕈᑕ ᒦᒐᓐᓗ
ᕈᑕ ᒦᒐᓐᓗ ᐆᒻᒪᑎᒥ ᐱᓕᕆᔭᒃᓴᒥ ᓴᖅᑭᑎᑦᑎᓂᑰᒃ ᓯᕗᓕᖅᑎᐅᓪᓗᒃ. ᐊᑕᖏᖢᑎᒃ ᐊᔪᖏᓐᓂᕐᒥᖕᓂᒃ ᑲᑎᑎᑦᑎᓗᑎᒃ ᐱᓕᕆᐊᒃᓴᒥᒃ ᓴᕿᑎᑦᑎᓂᑰᒃ ᐃᓕᓐᓂᐊᖅᓯᓈᖢᑎᒡᓗ ᖃᑎᒪᓂᕐᒥ, ᐊᒻᒪᓗ ᐃᓕᓐᓂᐊᖅᑎᑦᑎᖃᑕᖢᑎᒃ ᕿᑐᕐᖏᐅᕐᓂᕐᒥᒃ ᐃᖃᔪᖅᑐᐃᓪᓗᑎᒃ.
ᕈᑕ ᐃᓅᔪᖅ ᐃᓄᑐᖃᐅᓪᓗᓂ, ᐊᓈᓇᐅᔪᖅ ᑎᓴᒪᓄᑦ, ᐃᓕᓴᐃᔨᕕᓂᖅ, ᑐᓵᔨ, ᑐᑭᓕᐅᖅᑎ, ᐃᓕᓴᐃᔨ, ᐃᓄᐃᓗ ᐱᖁᓯᖏᑎᒍᑦ ᐃᓄᐃᒃ ᐃᓂᐅᕈᓯᖏᓐᓂᒃ ᖃᐅᔨᒪᓂᒥ ᐱᓯᒪᔪᖅ ᐃᖅᑲᓇᐃᔭᖃᑕᐅᔪᖅ. ᑎᑎᕋᖅᑎᐅᓚᐅᖅᓯᒪᔪᖅ ᑐᓵᔨᐅᓗᓂᓗ ᐃᒡᓗᓕᐅᑉ ᐋᓐᓂᐊᕕᑯᓗᐊᓂ 1970ᖏᓐᓂ, ᐃᓛᓐᓂᒃᑯᑦ ᐃᑲᔪᖅᐸᓚᐅᑐᖅ ᐅᓄᖅᑐᐃᖅᓱᖅᖢᓂᒃ ᐃᕐᓂᔪᖃᖅᑎᓪᓗᒍ ᓄᑕᕋᓛᓂᒃ, ᐊᒻᒪᓗ ᐃᕐᓂᓱᒃᓰᔨᖑᕈᒪᓚᐅᖅᓯᒪᔪᖅ ᑕᐃᓱᒪᓂ.
ᒦᒐᓐ ᓄᓇᕗᒻᒥᐅᖅ ᐃᓅᓚᐅᖅᓯᒪᔪᖅ ᐱᕈᖅᓴᓂᑰᓪᓗᓂᓗ ᓄᓇᕗᒻᒥ, ᐊᓈᓇᐅᔪᖅ ᒪᕐᕈᖕᓄᑦ ᐸᐃᑉᐹᑖᖅᓯᒪᔪᖅ ᐃᕐᓂᓂᕐᒧᑦ ᐃᕐᓂᓵᖅᓯᒪᓂᕐᒧᓪᓗ, ᐊᒫᒪᒃᑎᒃᑎᓂᕐᒧᓪᓗ ᐊᒻᒪᓗ ᐃᕐᓂᓱᓂᕐᒧᑦ ᐃᓕᓴᐃᔨᐅᓗᓂ. ᐊᒃᓱᕉᑎᖃᖅᓂᖓ ᐱᕈᓚᐅᖅᓯᒪᔪᖅ ᕿᑐᕐᖏᐅᓂᕐᒥᒃ ᑲᒪᓂᕐᒥᒃ ᐃᕐᓂᖓ ᐃᓅᑎᓪᓗᒍ ᖃᐅᔨᓚᐅᒃᒪᑦ ᐃᓗᐊᖅᓴᖅᑕᐅᓂᒃᑰᙱᑦᑐᖅ ᐃᑲᔪᖅᑐᐃᓂᖅ ᐱᔭᕆᐊᖃᕐᒪᑦ ᑲᔪᓯᔪᒥᒃ ᐃᕐᓂᖃᑦᑕᕐᓂᕐᒧᑦ. ᐃᓅᖃᑎᒥᓂᖅ ᐃᑲᔪᕋᓱᒃᐸᒃᑐᖅ ᖃᐅᔨᑎᑦᑎᓇᓱᒃᖢᓂ ᑲᒪᒋᔭᐅᓂᕐᒥᒃ ᓂᕆᐅᒃᑐᖅ ᑲᑎᓪᓗᑎᒃ ᐃᑲᔪᖅᑎᐅᓂᖅ ᕿᑐᕐᖏᐅᓂᕐᒧᑦ ᐃᓚᒋᔭᐅᓗᓂ ᐊᔨᒌᖏᑐᓂᒃ ᐃᖅᑲᓇᐃᔮᖃᖅᑐᓄᑦ ᐃᕐᓂᓱᒃᐸᒃᑐᓄᑦ ᐃᓚᖏᓐᓄᓗ ᓄᓇᕗᒻᒥ.
ᕈᑕ ᒦᒐᓐᓗ ᑕᒪᒃᑮᒃ ᐊᔪᖏᑦᑑᓪᓗᑎᒃ ᐃᓕᓐᓂᐊᖅᓯᒪᔫᒃ ᐊᒻᒪᓗ ᑲᐅᔨᓯᒪᓪᓗᑎᒃ ᐊᑐᖅᓯᒪᒐᒥᒃ ᐃᖃᔪᑐᐃᔪᓐᓇᖅᑑᒃ ᐱᓕᕆᐊᕆᔭᒥᖅᓂᒃ. ᑕᒪᕐᒥᒃ ᐊᒃᓱᕉᑎᖃᖅᓯᒪᔫᒃ ᐱᒻᒪᕆᐅᓂᖓᓂᒃ ᐊᑐᖅᑕᐅᒍᓂ ᐃᑲᔪᕐᓂᖃᕋᔭᓂᖓᓂᒃ ᐃᑲᔪᖅᑐᖅᑕᐅᓂᖅ ᑲᒪᓂᓗ ᐊᒻᒪᓗ ᓴᕿᑎᑕᐅᓗᓂ ᐊᐅᓚᓗᓂᓗ ᓴᕿᑕᐅᓗᓂ ᓄᓇᑦᑎᓐᓂᑦ. ᐃᖅᑲᓇᐃᔭᖃᑎᖃᖅᑑᒃ ᐊᔪᖏᑐᓂᒃ ᐅᖃᐅᔪᐃᔨᐅᔪᓂᒃ ᕿᑭᖅᑕᓗᒥᐅᑕᓂᒃ ᓄᓇᓕᖕᓂᓗ ᐅᖃᖃᑎᖃᖅᐸᒃᖢᑎᒃ (ᐃᓄᐃᒃ ᐱᖁᓯᑐᖃᖏᓐᓂᓗ ᖃᐅᔨᒪᓂᕐᒥᒃ ᐱᓯᒪᔪᓂᒃ, ᓘᑕᓂᒃ, ᐃᓗᐊᖅᓴᐃᔨᓂᒃ, ᐃᕐᓂᕙᒃᑐᓂᒃ ᐃᕐᓂᓱᒃᓰᕙᒃᑐᓂᓗ) ᑕᒫᖔᖅᓯᒪᑎᐊᖅᑑᒃ ᐱᕈᖅᐸᓕᐊᔪᖅ ᐱᓕᕆᐊᒃᓴᖅ ᐅᓄᑐᓂᓗ ᐊᔨᒌᖏᑦᑐᓂ ᐃᖅᑲᓇᐃᔮᖃᑐᓂ ᐃᓚᖃᖅᖢᑎᒃ.
ᐃᑲᔪᖅᑐᐃᓂᕐᒧᑦ
ᔭᓐᓂ ᓲᓯ
ᔭᓐᓂᒥᒃ ᑕᐃᔭᐅᓲᖑᔪᖓ, ᐃᖅᑲᓇᐃᔭᓲᖑᔪᖓ ᐆᒻᒪᑎᒥ ᐃᕐᓂᐅᓂᕐᒥ, ᐅᖓᓯᒃᑐᒥᑦ ᖃᕆᓴᐅᔭᓂᕆᔨᐅᔪᖓ. ᐃᓄᐃᑦ ᖃᐅᔨᒪᔭᖏᑦ ᐃᕐᓂᓱᒃᓰᓂᕐᒧᑦ ᐃᓕᓐᓂᐊᖅᑕᔭᕆᐊᖃᖅᑐᑦ.
ᔮᑭᓕᓐ ᒪᒃᑖᓄᑦ
ᐆᒻᒪᑎ ᐱᓕᕆᐊᒃᓴᒧᑦ ᐃᑲᔪᖅᑎ
ᔮᑭᓕᓐ ᒪᒃᑖᓄᑦ ᓄᓇᕗᒻᒥ ᓄᓇᖃᖅᓯᒪᔪᖅ ᐊᕐᕌᒍᓂᒃ 10ᓂᒃ ᐊᒻᒪᓗ ᒪᕐᕈᖕᓂᒃ ᕿᑐᕐᖓᖃᖅᑐᖅ. ᐃᖃᓇᐃᔭᓕᕐᓂᑯ ᓄᓇᕗᒻᒥ ᐃᓕᓴᐃᔨᐅᓪᓗᓂ ᐊᒻᒪᓗ ᒫᓐᓇ ᐃᖅᑲᓇᐃᔭᑐᖅ ᐆᒻᒪᑎᒥ ᐱᓕᕆᐊᒃᓴᒥ. ᐱᓕᕆᐊᕆᔭᖓ ᐆᒻᒪᑎᒥ ᐱᓕᕆᐊᒃᓴᒥ ᑎᑎᕋᖅᑎᐅᓪᓗᓂ ᐱᔭᒃᓴᓂᒡᓗ ᐋᖅᑭᒃᓱᐃᕙᒃᖢᓂ ᑎᑎᕋᖅᓯᒪᔪᓂᒡᓗ ᐋᖅᑭᓱᐃᕙᒃᖢᓂ ᐊᒻᒪᓗ ᑎᑎᕋᖅᓯᒪᔪᓂᒃ ᑕᒻᒪᖅᓯᒪᔪᓂ ᐋᖅᑭᓱᐃᕙᒃᑭᓪᓗᓂ.
ᓯᑏᕙᓐ ᐱᐃᓪ
ᓯᑏᕙᓐ ᐱᕈᓚᐅᖅᐳᖅ ᓄᓇᕗᒻᒥ, ᓄᓇᖃᓚᐅᖅᑐᖅ ᐊᑉᕌᖑᑦ ᖁᓖ ᐅᖓᑖᓂ ᑲᖏᖅᖠᓂᕐᒥ ᐃᖃᓗᖕᓂᓗ. ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᖅᑎᑦᑎᓚᐅᖅᑎᓪᓗᒍ ᑲᓇᑕᐅᑉ ᐊᓯᐊᓂ ᐅᑭᐅᓂ ᐊᒥᓱᐸᓗᖕᓂᒃ, ᓯᑏᕙᓐ ᐱᓚᐅᖅᑐᖅ ᖁᑦᑎᖕᓂᖅᐹᑦ ᑭᖑᓕᐊᓂᒃ ᐊᔪᖏᓐᓂᕐᒥᒃ ᑐᓴᐅᒪᑎᑦᑎᓂᕐᒥᒃ 2011ᒥ ᐃᖅᑲᓇᐃᔭᓕᓚᐅᖅᑐᖅ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓂ ᐊᑯᓂᐅᙱᑐᖅ ᐱᐊᓂᓚᐅᖅᑎᓪᓗᒍ. ᐃᓕᓐᓂᐊᖅᑎᒃᑎᓚᐅᕐᒥᔪᖅ ᑎᑎᕋᐅᔭᖅᓯᒪᔪᓂᒃ ᑲᕆᓴᐅᔭᒃᑯᑦ ᓂᐅᕈᑎᖃᕐᓂᕐᒥᒃ ᓄᓇᓕᖕᓂ ᓯᓚᑦᑐᖅᓴᕐᕕᖕᒥ 2017 ᒥᓂᑦ. ᓯᑏᕙᓐ ᐱᑎᑦᑎᔪᖅ ᐆᒻᒪᑎ ᐃᖅᑲᓇᐃᔭᖅᑎᖏᓐᓄᑦ ᐊᖏᔪᒥᒃ ᖃᐅᔨᒪᓂᕐᒥᒃ ᖃᕆᓴᐅᔭᑯᑦ ᖃᐅᔨᒪᑎᑦᑎᓂᕐᒥᒃ ᐃᓕᓐᓂᐊᕈᑎᒃᓴᓕᐅᕐᓂᕐᒥᒃᓗ, ᐃᓕᓐᓂᐊᖅᑕᐅᓗᑎᒡᓗ.
ᒫᒋ ᖃᐃᑦᑎᔪᖅ
ᖁᕕᐊᓱᒃᐳᒍᑦ ᑐᙵᓱᑦᑎᑦᑎᒐᑕ ᒫᒋ ᐊᖅᐱᖕᒥᒃ ᐆᒻᒪᑎ ᐃᖅᑲᓇᐃᔭᖅᑎᖏᓐᓄᑦ ᒫᒋ ᖃᐃᑦᑎᔪᖅ ᐊᒃᓱᕉᑎᖃᖅᓯᒪᓂᕐᒥᓂᒃ ᐃᕐᓂᐅᕐᓂᐅᑉ ᑲᒪᒋᔭᖑᐅᓂᖓᓂᒃ ᐱᓕᕆᐊᕆᓕᓵᑕᖓᓂᒃ ᐆᒻᒪᑎᒥ ᑐᓴᐅᒪᑎᑦᑎᔨᐅᑉ ᐃᑲᔪᖅᑎᒋᓪᓗᓂᐅᒃ !
ᒫᒋ ᐃᓚᒋᔭᐅᓚᐅᖅᓯᒪᔪᖅ ᐃᕐᓂᐅᕐᓂᒧᑦ ᑲᑎᒪᓯᓐᓈᖢᑎᒃ ᐃᓕᓐᓂᐊᖅᑎᓪᓗᒋᑦ ᓯᖓᐃᑎᓪᓗᒍ ᐱᖓᔪᐊᓐᓂᒃ ᓄᑕᕋᓛᑖᕆᓯᒪᔭᖏᓐᓂ ᐋᓯᑐᕆᒥᒃ. ᑕᐃᒪᙵᓂᑦ ᐃᓚᒋᔭᐅᓯᒪᔪᖅ ᑲᑎᒪᔪᓂ, ᐅᖃᖃᑎᒌᒃᑐᓂ ᐊᒻᒪᓗ ᑕᑯᒃᓴᐅᑎᑦᑎᓯᒪᓪᓗᓂ ᐆᒻᒪᑎᐅᑉ ᐃᓗᓂᖏᓐᓂᒃ. ᒫᒋ ᐱᕈᖅᓴᖅᓯᒪᔪᖅ ᑭᒻᒥᕈᕐᒥ ᐊᒻᒪᓗ ᒫᓐᓇ ᐃᖃᓗᖕᓂ ᓄᓇᖃᖅᑐᖅ ᐱᖃᑎᒥᓂ ᐱᖓᓱᓂᒃ ᐸᓂᖕᒥᓂᒃ ᐃᓚᖃᖅᖢᓂ.
ᐱᐊᓂᒃᓯᓵᓚᐅᖅᑐᖅ ᐆᒻᒪᑎ ᕿᑐᕐᖏᐅᕐᓂᕐᒧᑦ ᐃᑲᔪᖅᑐᐃᓂᕐᒥᒃ ᐃᑭᐊᖅᑭᕕᒃᑯᑦ ᐃᓕᓐᓂᐊᕐᓂᕐᒥᒃ ᐊᔪᖏᓂᕐᒥᓂᒃ ᐊᖏᓕᑎᒃᑎᕚᓕᓚᐅᖅᑐᖅ ᐃᓄᐃᑦ ᐃᓕᖅᑯᓯᖏᑦᑎᒍᒃ ᐃᕐᓂᐅᕐᓂᕐᒥᒃ ᐊᒻᒪᓗ ᐃᑲᔪᖅᑎᐅᓂᒥᒃ ᐃᕐᓂᓱᑦᑐᒧᑦ. ᖁᕕᐊᓲᑎᒋᒻᒪᕆᒃᐸᕗᑦ ᐱᓕᕆᓂᐊᕐᒪᑦ ᐆᒻᒪᑎᒃᑯᓐᓂ ᐱᓕᕆᔭᐅᓂᐊᖅᑐᓂᒃ ᐅᖃᐅᓯᖃᖅᐸᒡᓗᓂ.
ᐱᑲ ᐱᐅᕆ
ᐱᑲ ᐱᕈᓚᐅᖅᑐᖅ ᓅᕙ ᓯᑯᓴᒥ ᓅᓚᐅᙱᑎᓪᓗᒍ ᐅᐊᐸᔅᑲᒧ, ᐋᕗᑕᒥ 2014 ᑲᒪᓂ’ᑐᐊᕐᒥ 2018ᒥ. ᓯᖓᐃᓚᐅᖅᑐᖅ ᑎᓴᒪᖓᓂ ᓄᑕᕋᓛᖓᓂᒃ ᐊᒻᒪᓗ ᐅᑕᕿᓚᐅᖅᑐᖅ ᐋᓂᐊᖅᓯᐅᖅᑕᐅᓂᖓᓂᒃ ᓄᑲᖅᖠᐸᖁᑎᖓ ᐸᓂᖓ, ᐱᑲ ᐃᓚᖏᓪᓗ ᓅᓚᐅᖅᑐᑦ ᐃᖃᓗᖕᓄᑦ 2020ᒥ, ᐃᓱᒪᓚᐅᖅᑑᒐᓗᐊᖅ ᓄᓇᕗᒻᒦᑐᒪᓪᓗᓂ. ᑭᖑᓕᖅᐹᖓᓂᒃ ᓄᑕᕋᓛᖅᑖᕋᒥ ᐃᑲᔪᖅᑐᖅᑕᐅᑦᑎᐊᕕᒡᔪᐊᖅᓗᓂ ᐃᓗᐊᖅᓴᐃᔨᒥᓄᑦ ᕿᑭᑕᓂ ᐋᓐᓂᐊᕐᕕᖓᓂ ᐊᒻᒪᓗ ᐅᑕᖅᑭᔭᖏᑦ ᑎᑭᓚᐅᑐᑦ ᐸᓂᖓᑕᒎᖅ ᐋᓐᓂᐊᖓ ᐱᒋᔭᐅᒍᙱᑦᑐᖅ ᑯᕉᒧᓲᒧ (chromosomal abnormality), ᐱᑲ ᐃᓚᖏᓪᓗ ᐃᓱᒥᓚᐅᖅᑐᑦ ᐱᐅᓂᖅᐹᖑᔪᒥᒃ ᐃᓚᒥᖕᓄᑦ ᖃᓂᒡᓕᒋᐊᕐᓗᑎᒃ ᐱᖓᖕᓇᒦᑦᑐᓄᑦ. ᐃᖅᑲᓇᐃᔭᖃᑦᑕᖅᑐᖅ ᐊᖏᕐᕋᒥᓂ ᐲᐄᑉᐊᐃᒥ (PEI) ᐆᒻᒪᑎᐅᑉ ᐱᓕᕆᐊᕆᓂᐊᖅᑕᖏᓐᓂᒃ ᐋᖅᑭᒃᓱᐃᓗᓂ, ᐊᒻᒪᓗ ᑭᖑᓂᖃᕈᓱᖃᑦᑕᖅᑐᖅ ᐃᖃᓗᖕᓂᒃ ᖃᐅᑕᒫᑦ.
ᐅᖃᐅᔪᐃᔨᒋᔭᕗᑦ
ᐊᖑᑕᐅᒃᑐᖅ
ᐊᖑᑕᐅᒃᑐᖅ ᓲᓴᓐ ᐊᕕᙵᖅ ᐋᓂᐊᕕᖕᒥᐅᖏᑦᑐᖅ ᐃᓅᓂᑯ ᐃᒡᓗᕕᒐᒥ. ᐊᓈᓇᑎᐊᖓ ᐊᓈᓇᖓᑕ ᐊᓈᓇᖓᑕ ᐃᕐᓂᓱᒃᓯᐊᕆᓪᓗᓂᐅᑦ ᓈᑎᖑᔭᐅᑎᓪᓗᒍ. ᐱᖓᓱᒋᔭᐅᓪᓗᓂ ᐃᓅᓂᑯ. ᒪᕐᕉᓂᒃ ᕿᑐᕐᖓᒃᑖᖅᓯᒪᔪᖅ ᐋᓐᓂᐊᕕᖕᒥᐅᖏᑐᖅ ᓄᓇᒦᖃᑦᑕᑎᓪᓗᒋᑦ ᑐᐱᕐᒥ. ᐱᖓᓱᑦ, ᓴᓂᕋᔭᒥ ᐃᒡᓗᓕᖕᒥᓗ 6ᖓᓂ ᐱᒋᐊᖅᖢᓂ ᐃᖃᓗᐃ ᐋᓐᓂᐊᕕᖓᓂ ᐃᓅᖃᑦᑕᓂᑯᐃᑦ. ᐊᐅᓚᐅᔭᐅᓗᓂ ᐅᐃᓂᒃᑲᒥ ᕿᑐᕐᖓᑖᓚᐅᖅᓯᒪᓇᓂ ᓱᓕ, ᓯᖓᐃᓕᕋᒥ ᐅᖃᐅᔾᔪᖅᑕᐅᕙᓚᐅᖏᑦᑐᑦ ᖃᓄᖅ ᐱᔭᕆᐊᖃᕐᒪᖔᖅ.
ᐊᓈᓇᒥᓂᑦ ᑐᓴᐅᒪᔪᖅ ᐅᓪᓛᑯᑦ ᐃᖅᑯᒪᕈᓂ ᐊᓂᓵᓕᔭᕆᐊᖃᕐᓂᕐᒥᒃ ᐱᓱᖃᑦᑕᓗᓂᓗ. ᓂᕿᑎᐊᕙᓂᒡᓗ ᓂᕆᕙᒡᓗᓂ. ᐊᐱᕆᔭᐅᕙᓚᐅᖅᑐᖅ ᑭᓱᒥᒃ ᓂᕆᔪᒪᖕᒪᖔᖅ. ᒥᕆᐊᒍᔭᑦᑐᓪᓗ ᐊᐱᕆᔭᐅᕙᓚᐅᒥᔪᑦ ᑭᓱᒥᒃ ᓂᕆᔪᒪᖕᒪᖔᑕ, ᐊᒻᒪᓗ ᐱᔾᔪᔭᐅᕙᒃᖢᑎᒃ ᒥᕆᐊᙳᔭᑦᑐᑦ.
ᓇᑦᓯᑦ ᑲᖑᑉ ᐃᓅᓯᖓ
ᐃᓅᓚᐅᖅᓯᒪᔪᖅ ᐱᕈᖅᓯᒪᓪᓗᓂᓗ ᐃᖃᓗᖕᓂ ᓅᓚᐅᖅᓯᒪᔪᖅ ᐃᒃᐱᐊᕐᔪᒧᑦ ᐃᓚᒥᓂᒡᓗ ᐱᕈᖅᓴᐃᓯᒪᓪᓗᓂ ᑕᐃᑲᓂ. ᐊᔨᒌᙱᑦᑐᓂᒃ ᓇᖕᒥᓂᖃᖃᑦᑕᖅᓯᒪᔪᖅ. ᓲᕐ ᒫᑕᓐ ᒦᓐᓂᑰᔪᖅ ᐃᓕᓐᓂᐊᕕᒃ ᑕᐃᑲᓂ ᐃᓕᓐᓂᐊᕐᓂᑯ. ᕿᑐᕐᖓᖃᓕᕋᒪ
ᐊᒻᒪᓗ ᐃᕐᖑᑕᖃᖅᖢᖓ. ᓂᕈᐊᖅᑕᐅᓂᑰᔪᖓ ᓄᓇᕗᑦ ᑐᖓᕕᑯᓐᓂ., ᑎᑎᕋᖅᑎᒧᑦ/ᑮᓇᐅᔭᓕᕆᔨᒧᓗ ᐊᕐᕌᒍᓂᒃ ᐱᖓᓱᓂᒃ, ᑕᐅᑯᓐᓂᓗ ᑲᑎᒪᔨᐅᓂᑰᒋᓪᓗᖓ ᐃᖃᓗᖕᓂ ᐊᕐᕌᒍᓂᒃ ᐱᖓᓱᓂᒃ. ᐃᓚᒋᔭᐅᓚᐅᖅᓯᒪᒋᓪᓗᖓ SOGC
ᑲᑐᔨᖃᑎᒌᓄ ᐃᓚᒌᓂᒃ ᖃᐅᔨᓴᖅᑎᓄᑦ ᑲᓇᑕᒥ, ᑲᓇᑕᒥᐅᓄᓪᓗ ᐃᕐᓂᓱᒃᓰᔨᓄᓪᓗ ᑲᓇᑕᒥ, ᐃᕐᓂᓱᑦᓰᔨᓄᓪᓗ ᓄᓇᕗᒻᒥ ᐃᓚᒋᔭᐅᓚᐅᖅᓯᒪᓪᓗᖓ ᐊᒻᒪᓗ ᐊᐅᓚᑦᑎᔨᐅᓚᐅᖅᓯᒪᓪᓗᖓᓗ ᐃᓚᒋᔭᐅᓪᓗᖓ. ᑎᒍᐊᕐᓂᕐᒧᓪᓗ
ᑲᒥᓴᓇᓚᐅᖅᓯᒪᓪᓗᖓ ᓄᓇᕗᒻᒧᑦ 2011ᒥᓂᑦ. ᐃᖅᑲᓇᐃᔭᓚᐅᖅᓯᒪᔪᖓ ᐃᓄᓕᕆᔨᐅᓪᓗᖓ ᐃᓄᒃᓱᒃ ᐃᓕᓐᓂᐊᕐᕕᐊᓗᖕᒥ ᐊᕐᕋᒍᓂᒃ ᑎᓴᒪᓂᒃ, ᐊᕐᕌᒍ ᐊᑕᐅᓯᖅ ᐃᓅᔭᖅ ᐃᓕᓂᐊᕐᕕᖕᒥ ᐃᒃᐱᐊᕐᔪᖕᒥ. ᒫᓇᐅᓕᖅᑐᖅ
ᐃᖅᑲᓇᐃᔭᖅᑐᖓ ᓄᓘᔮᖕᓂ ᐅᔭᕋᒃᓯᐅᕐᕕᖕᒥ, ᑐᕌᑕᕕᐅᓗᖓ ᓄᓇᓕᖕᓄᑦ ᑐᕋᑐᓄᑦ. ᐅᖃᕈᓐᓇᖅᑐᖓ ᑎᑎᕋᕈᓐᓇᖅᖢᖓᓗ ᑕᒪᑮᖕᓂᒃ ᐃᓄᒃᑎᑐᑦ ᖃᓪᓗᓈᑎᑐᓪᓗ.
ᑖᓇ ᑮᓇᐃᓇᒃ
ᑖᓇ ᐱᓕᕆᐊᒃᓴᒧᑦ ᐃᑲᔪᖅᑐᐃᓂᕐᒧᑦ ᐃᖅᑲᓇᐃᔭᖅᑎ ᐆᒻᒪᑎᒧᑦ ᐃᓚᒋᔭᐅᔪᖅ. ᐃᓚᒋᔭᐅᑎᑦᑎᔨᒪᕆᐅᔪᖅ, ᖃᐅᔨᑎᑦᑎᔨᐅᔪᖅ, ᐃᓚᖏᔭᐅᓪᓗᓂ ᑐᕋᖅᑕᕐᕕᐅᔪᖅ. ᐃᓕᓐᓂᐊᖅᓯᓐᓈᖅᖢᓂᓗ ᐆᒻᒪᑎᒥ ᐃᕐᓂᐅᕐᓂᕐᒧᑦ ᐃᑲᔪᖅᑐᐃᓂᕐᒥᒃ ᐃᖃᓇᐃᔭᑎᐅᓂᕐᒧᑦ. ᑖᓇ ᐃᓅᓱᒃᑑᓐᓗᓂ ᐊᓈᓇᐅᓚᐅᖅᓯᒪᔪᖅ ᐃᓚᒋᔭᐅᓪᓗᓂ ᓲᐳᑎᒃᑯᓐᓂ ᐃᓅᓱᒃᑐᓂ ᐊᓈᓇᐅᔪᓂ ᐱᓕᕆᐊᒃᓴᒥ ᐃᓄᒃᓱᒃ ᐃᓕᓐᓂᐊᕐᕕᐊᓗᖕᒥ. ᐱᓕᕆᐊᒃᓴᖅ ᑲᔪᓯᔪᓐᓇᓚᐅᙱᒻᒪᑦ ᑭᓯᐊᓂᓕ ᐃᑲᔪᕕᒡᔪᐊᓚᐅᖅᑐᖅ. ᐆᒻᒪᑎ ᐸᕐᓇᒃᑐᖅ ᑕᒪᓐᓇ ᐱᑕᖃᖏᑦᑐᖅ ᓴᕿᑎᓐᓇᓱᒃᖢᒍ ᐋᖅᑭᓱᐃᓪᓗᓂ ᐃᓅᓱᑐᓄᑦ ᐊᐅᓚᑦᑎᔪᓐᑎᒃᓴᒥᒃ ᐱᔭᒃᓴᒥᒃ. ᑖᓇ ᐃᓕᓐᓂᐊᖅᓯᓐᓈᖢᓂ ᐃᖅᑲᓇᐃᔭᖅᑐᖅ ᐊᐅᓚᑦᑎᔪᓐᓇᖅᓯᓛᒪᑦ ᐆᒻᒪᑎᒥᒃ ᐃᓅᓱᒃᑐᓄᑦ ᐃᕐᓂᐅᖅᐸᒃᑐᓄᑦ. ᑖᓇ ᐊᓈᓇᐅᔪᖅ ᐱᖓᓱᓄᑦ. 11ᓂᒃ ᐅᑭᐅᖃᖅᑐᒥᒃ ᐃᕐᓂᖃᖅᑐᖅ ᐊᒻᒪᓗ ᒪᕐᕈᓕᐊᖃᖅᑐᖅ ᓄᑲᑉᐱᐊᒥᒃ ᓂᕕᐊᖅᓯᐊᒥᒡᓗ. ᖁᕕᐊᓱᒃᑐᖅ ᐃᓚᒋᔭᐅᒋᐊᖅ ᐆᒻᒪᑎᒥ ᐱᓕᕆᐊᒃᓴᒥ ᐃᑲᔪᕐᓗᓂᓗ ᐊᖏᒡᓕᕙᓕᐊᓂᐊᕐᒪᑦ ᐃᑲᔪᖅᑐᐃᑲᓐᓃᓐᓇᓗᓂᓗ ᓄᓇᕗᒻᒥ ᐃᓚᒌᓂᒃ.
ᓵᓐᑐ ᑐᕼᐃᑎ
ᓵᓐᑐ ᑐᕼᐃᑎ ᐃᓚᒌᓄᑦ ᓘᒃᑖᖑᔪᖅ, ᐱᕈᓂᑰᔪᖅ ᓄᓇᓕᖕᓂ ᑭᒻᒥᕈᕐᒥ, ᐃᒃᐱᐊᕐᔪᖕᒥ, ᓇᓂᓯᕕᖕᒥ, ᐊᒻᒪᓗ ᐃᖃᓗᖕᓂ ᕿᑭᖅᑖᓗᖕᒥ. ᓵᓐ ᐃᖅᑲᓇᐃᔭᖅᑐᖅ ᕿᑭᖅᑕᓂ ᐋᓂᐊᕕᖕᒥ ᓯᖓᐃᔪᓂᑦ
ᐱᓕᕆᐊᖃᖃᑦᑕᖅᑐᖅ ᐃᕐᓂᓱᒃᓰᓂᕐᒥᒡᓗ ᑲᒪᖃᑦᑕᖅᖢᓂ ᐊᕐᓇᓂᒃ ᕿᑭᖅᑕᓗᓕᒫᒥᖔᓯᒪᔪᓂᒃ. ᓵᓐ ᐊᓕᐊᓇᐃᒋᔭᖃᖅᑐᖅ ᐃᖃᐃᔭᕐᓂᕐᒥᒃ (Yoga) ᐳᐃᔪᕌᓂᕐᒥᒡᓗ, ᐊᐅᓪᓚᖅᖢᓂᓗ ᑭᓱᓕᕆᙱᑦᑕᕌᖓᒥ.
ᕕᐅᓇ ᒦᓐ
Fᕕᐅᓇ ᒦᓐ ᐃᓚᖐᓄᑦ ᓘᑖᖑᔪᖅ ᐃᖃᓗᖕᓂ. ᖁᕕᐊᒋᔭᖃᖅᑐᖅ ᕿᑐᕐᖏᐅᓂᕐᒥᒃ ᐃᕐᓂᓱᖕᓂᕐᒥᒃ ᐃᕐᓂᓂᕐᒥᓪᓗ ᐃᑲᔪᖅᖢᓂ, ᐊᒻᒪᓗ ᐱᓗᐊᖅᑐᒥᒃ ᐊᒫᒪᒃᑎᑦᑎᓂᕐᒥᒃ ᐃᑲᔪᖅᑐᐃᔪᖅ. ᐊᕐᕕᐊᒥᐅᑕᒃᓴᔭᖅ, ᓄᓇᕗᑦ ᐊᒻᒪᓗ ᐊᓈᓇᐅᓗᓂ ᒪᕐᕈᓄᑦ ᐱᐅᔪᑯᓘᖕᓄᑦ ᓄᑲᑉᐱᐅᑯᓘᖕᓄᑦ.
ᓲᓯ ᐱᐊᕐᓯ
ᓲᓯ ᐱᐊᕐᓯ ᐃᖃᓗᐃᑦ, ᓄᓇᕗᒻᒥᐅᑕᖅ. ᐊᓈᓇᐅᔪᖅ, ᐃᒻᒪᐃᓂᕐᒧ (ᐊᒫᒪᒃᑎᑦᑎᓂᕐᒧᑦ) ᖃᐅᔨᒪᔨᑕᐅᔪᖅ ᐊᒻᒪᓗ ᐋᓐᓂᐊᓯᐅᑎᐅᓪᓗᓂ ᐊᕐᕌᒍᓄᑦ 13ᓄᑦ. ᐊᓂᒍᐃᓂᑰᔪᖅ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᐅᑉ ᐋᓐᓂᐊᓯᐅᑎᐅᓂᕐᒧᑦ ᐃᓕᓐᓂᐊᕐᕕᖓᓂ. ᐊᒃᓱᕉᑎᖃᖅᓯᒪᔪᖅ ᐃᓕᓐᓂᐊᖅᑎᑦᑎᓂᒥᒃ ᐊᒫᒪᑎᑦᑎᓂᕐᒥᒡᓗ ᖃᐅᔨᒪᓂᕐᒥᓂᒃ. ᐃᓚᒋᔭᐅᖃᑦᑕᖅᓯᒪᔪᖅ ᐅᑭᐅᖅᑕᖅᑐᒥ ᓵᓚᒃᓴᕋᓱᒃᖢᓂ ᐱᙳᐊᓂᕐᒥ ᐊᕐᕌᒍᓂᒃ 27ᓂᒃ ᐊᒻᒪᓗ ᐅᒃᐱᕈᓱᒃᖢᓂ ᐊᐅᓚᑎᑦᑎᓂᕐᒥᒃ ᑎᒥᒥᒃ ᖃᓄᐃᖏᑎᐊᓗᓂᓗ ᐃᓅᓯᖃᕐᓂᕐᒥᒃ.
ᓰᐴᓚ ᓇᐅᔪᒃ
ᓰᐴᓚ ᓇᐅᔪᒃ ᑐᕌᑕᕕᐅᔪᖅ ᑲᓇᑕᒥ ᐃᕐᓂᐅᕐᓂᕐᔪᒧᑦ ᓂᕿᑦᑎᐊᕙᖕᓂᒃ ᐱᓕᕆᐊᒃᓴᒥ ᑕᓯᐅᖅᑎᒌᑦ ᑲᑐᔨᖃᑎᒌᓂ. ᐊᓈᓇᐅᔪᖅ ᐱᕈᕐᓂᑰᔪᖅ ᐸᖕᓂᖅᑑᒥ ᐊᒻᒪᓗ ᐃᖃᓗᖕᓂ ᓄᓇᖃᖅᑐᖅ. ᐃᓚᓕᐅᔨᖃᑦᑕᖅᑐᖅ ᐱᒻᒪᕆᐅᔪᓂᖅ ᐃᕐᓂᐅᓂᕐᒧᑦ ᓯᓚᕐᔪᐊᕐᒥ ᐱᓕᕇᓐᓇᖅᑐᖅ ᐱᓕᕆᖃᑎᖃᖅᖣᓂ ᓯᖓᐃᔪᓂᒃ ᐊᖓᔪᖄᖑᓵᖅᑐᓂᒡᓗ.
ᕇᐱᑲ ᓛᔅᑎᐅ
ᐅᓪᓗᒃᑯᑦ!
ᐃᓗᐊᖅᓴᐃᔨᐅᓕᖅᑐᒐ (RN) ᐊᕐᕌᒍᓂᒃ 14ᓂᒃ, ᐊᒻᒪᓗ ᐱᐊᓂᓚᐅᖅᑐᖓ BScNᒥᒃ ᑎᐅᕼᐊᐅᓯ
ᓯᓚᑦᑐᕐᓴᕕᖕᒥ (NAC- ᐅᑭᐅᑦᑕᖅᑐᒥ ᐃᓗᐊᖅᓴᐃᓂᖅ) 2006ᒥ. ᑲᑎᓪᓗᒋᑦ ᐊᑐᖅᓯᒪᔭᒃᑲ ᐱᕚᓕᕈᑎᒋᓯᒪᔭᒃᑲ ᐃᓗᐊᖅᓴᐃᔨᐅᓂᒧᑦ ᓄᓇᕗᒻᒥ, (ᐊᑯᓂᐅᓛᖑᓗᓂ ᐃᑲᓗᐃᑦ ᐋᓐᓂᐊᕕᖓᓂ) ᐱᓕᕆᑎᑕᐅᔪᓐᓇᖃᑦᑕᑦᓯᒪᕗᖓ ᐅᓄᖅᑐᓂᒃ ᑐᕌᒐᖃᖅᑐᓕᓂ
ᐃᓗᐊᖅᓴᐃᓂᕐᒥ. ᑕᐃᒪᓐᓇᐅᒐᓗᐊᖅᑎᓪᓗᒍ ᐅᓄᑐᐃᑦ ᖁᕕᐊᓇᖅᑑᒐᓗᐊᖅᑎᓪᓗᒋᑦ ᐊᑐᖅᓯᒪᔭᒃᑲ ᑎᑎᖃᕈᓐᓇᖅᑕᕋᓗᐊᒃᑲ ᐃᖅᑲᓇᐃᔮᕆᔭᓐᓂ, ᐊᔪᕐᓇᓛᖑᓯᒪᔪᖅ ᐊᒻᒪᓗ ᐃᓱᒫᓗᖕᓇᖅᖢᓂ ᐃᓕᓂᑦᑎᕙᓪᓕᐊᓂᓐᓂ ᐊᑐᖅᓯᒪᔭᓐᓂ ᐱᐅᒋᓛᕆᓯᒪᓕᖅᐸᒃᑲ (ᖃᖓᖑᑲᓪᓚᒃᑎᓪᓗᒍ) ᑐᕌᒐᖃᖅᑐᑦ − ᐃᕐᓂᓱᒃᓰᓂᕐᒥ ᐃᓗᐊᖅᓴᐃᔨᐅᓂᖅ, ᐃᓄᐃᓵᑐᓂᒃ ᐃᓗᐊᖅᓴᖅᓯᓂᖅ, ᓄᑕᖃᓂᒃ ᑲᒪᓂᖅ.
ᖃᐅᔨᒪᓂᖅ ᐃᓕᓐᓂᐊᖅᑎᑕᐅᓃᓪᓗ ᐃᓗᓕᕆᔭᐅᖕᒪᑕ ᐱᖅᑯᓯᓐᓄᑦ, ᐃᓛᓐᓂᒃᑯᑦ ᐃᓗᓐᓇᑎᐅᙱᑦᑐᖅ ᐃᓕᖁᓯᑐᐃᓐᓇᖅᑐᑦ ᐃᓕᑎᕙᓪᓕᐊᕙᒃᑲᑕ ᐃᓕᖁᓯᒃᑯᑦ ᐅᕝᕙᓘᓐᓃ ᐃᓕᓐᓂᐊᕐᕕᓂ ᐃᓕᑦᑎᓃᑦ (ᓱᕐᓗ ᐃᓗᐊᖅᓴᐃᔨᓴᐅᓂᕐᒧᑦ ᐃᓕᓐᓂᐊᕐᓂᖅ, ᐃᓗᐊᖅᓴᐃᓂᕐᒧᑦ ᐅᖃᓕᒫᒐᐃᑦ ᐊᒻᒪᓗ ᖃᐅᑕᒫᓯᐅᑏᑦ, ᓯᓚᑦᑐᖅᓴᕐᕖᑦ, ᐊᒻᒪᓗ ᓯᓚᑐᖅᓴᕐᕕᒡᔪᐊᕐᒥ, ᐊᒻᒪᓗ ᐃᓕᓂᐊᖅᑎᑦᑎᓃᑦ ᐊᒻᒪᓗ ᐃᓄᓯᕐᒥ ᐃᓕᑦᑎᕙᓪᓕᐊᓃᑦ). ᖁᕕᐊᓱᒃᐳᖓ ᑕᒪᒃᑮᖕᓂᒃ ᐱᓯᒪᒐᒪ − ᐱᖁᓯᕐᓗ ᐃᓗᐊᖅᓴᖅᑕᐅᔪᓐᓇᕐᓂᕐᓗ ᓯᖓᐃᓗᓂ ᑲᒪᒋᔭᐅᓂᒃᒧᑦ. ᑖᑯᐊᒃ ᐊᑐᕈᓐᓇᓯᓯᒪᕙᒃᑲ ᐃᓗᐊᖅᓴᐃᔨᐅᓂᓐᓄᑦ ᐊᕐᕌᒍᓂ.
ᓂᕆᐅᒃᑲᓗᐊᖅᐳᖓ ᐱᖅᑯᓯᒃᑯᖅ ᐊᓐᓂᐊᖃᖅᑕᐃᓂᕐᒥ ᖃᐅᔨᕚᓪᓕᕈᑎᑕᖃᕐᓗᓂ ᐊᒻᒪᓗ ᐱᓕᕆᐊᒃᓴᖅᑕᖃᕐᓗᓂ ᓄᓇᕗᒻᒥ, ᑖᒃᑯᐊ ᐊᑐᖅᑕᐅᔪᓐᓇᖅᓯᓗᑎᒃ ᑭᒃᑯᑐᐃᓐᓇᕐᓄᑦ. ᐅᓇᒃᑲᓐᓂᕐᓗ, ᓂᕆᐅᒃᑲᓐᓂᕆᕗᖓ ᐱᔪᓐᓇᕐᓂᕐᒥᓂᒃ ᖃᐅᔨᑎᑦᑎᑲᓂᕐᓗᖓ ᐃᓄᖕᓂᒃ
ᖃᐅᔨᑎᑦᑎᓗᑎᒃ ᒫᓐᓇᐅᓂᖓᓂ ᐱᖁᓯᕐᒥᒍᑦ ᖃᐅᔨᒪᔭᒥᖕᓂᒃ − ᖃᓄᐃᖏᑦᑎᐊᓂᐅᑉ ᒥᒃᓵᓄᑦ − ᐱᓱᓯᖓᑎᒍᓗ ᐃᓄᐃᑦ ᓂᕈᐊᖅᑕᖏᓐᓂᒃ. ᖁᔭᓕᕗᖓ ᐱᔪᓐᓇᕐᓂᓐᓂᒃ ᖃᐅᔨᑎᑕᐅᒐᒪ, ᐱᓕᕆᐊᕆᔭᖏᓐᓂ ᐆᒻᒪᑎᐅᑉ, ᐊᖏᒡᓕᕙᓪᓕᐊᖕᒪᑕ
ᐱᕙᓕᐊᓪᓗᑎᒃ, ᐃᑲᔪᕋᓱᒃᖢᑎᒃ ᐃᓄᖕᓂᒃ ᐊᕐᓇᓂᒃ ᐃᓚᖏᓐᓂᒡᓗ. ᖁᔭᓐᓇᒦ ᖃᐃᖁᔭᐅᓯᒪᒐᒪ ᐃᓚᒋᔭᐅᖁᔭᐅᓪᓗᖓ ᐅᖃᐅᔪᐃᔨᓄᑦ. ᓂᕆᐅᒃᐳᖓ ᐅᖃᖃᑎᖃᖃᑦᑕᕐᓂᐊᖃᒪ ᐃᓘᓐᓇᔅᓯᓐᓂᒃ ᑕᕝᕙᓂ ᐱᓕᕆᐊᒃᓴᒥ.
ᒪᕆ−ᕙᕋᓐᔅ
ᒪᕆ−ᕙᕋᓐᔅ ᐊᓈᓇᐅᔪᖅ ᑎᓴᒪᓄᑦ ᓄᑕᕋᑯᓗᖕᓄᑦ (ᐱᖓᓱᑦ ᓄᑲᑉᐱᐊᑦ ᐊᑕᐅᓯᖅ ᓂᕕᐊᖅᓵᖅ ᑐᖁᓚᐅᖅᑐᖅ ᐃᓄᐃᓵᖅᖢᓂ). ᐊᓕᐊᓇᐃᒋᔭᖃᖅᑐᖅ ᕿᑐᕐᒋᐅᓂᓕᕆᓂᕐᒥᒃ ᐊᒻᒪᓗ ᖁᓱᔪᓐᓃᖅᑎᑦᑎᓂᕐᒥᒃ ᐃᓚᖐᓂᒃ, ᐃᑲᔪᖅᑎᒻᒪᕆᐅᔪᖅ, ᑐᑭᑲᖅᑐᖅ ᑯᒃᓴᓱᙱᑦᑐᖅ ᐃᑲᔪᖅᑐᐃᓂᕐᒥᒃ ᐃᓚᒌᓂᒃ ᖃᓄᐃᑦᑑᒐᓗᐊᖅᐸᑦ ᓯᖓᐃᓂᖅ. ᐊᒻᒪᓗ ᐊᒫᒪᒃᑎᑦᑎᓂᕐᒧᑦ ᓯᕗᓕᐅᖅᑎᐅᔪᖅ, ᐊᓈᓇᒥᑦ ᐊᓈᓇᒧᑦ ᐊᒫᒪᒃᑎᒃᑎᓂᕐᒥᒃ ᐃᑲᔪᖅᑐᐃᕙᒃᑐᖅ. ᑭᓱᓕᕆᔭᒃᓴᖃᙱᑳᖓᒥ, ᓄᕕᓴᓂᕐᒥᒃ ᐊᓕᐊᓇᐃᒋᔭᖃᖅᑐᖅ ᓂᕿᓕᐅᖅᖢᓂᓗ ᐃᓚᒥᓄᑦ. ᒪᕆ−ᕙᕋᓐᔅ ᐃᓚᖏᓪᓗ ᐃᖃᓗᐃᑦ ᐊᖏᕋᕆᓂᕋᕈᓐᓇᖅᑕᖓᑦ ᐊᕐᕋᒍᓄᑦ 7ᓄᑦ.
ᐅᕙᑦᑎᓐᓄᑦ ᑎᑎᕋᕆᑦ:
ᐊᐱᕆᔪᓐᓇᖅᑖᒃᑭᒃ ᕉᑕ ᐅᕙᓘᓐᓃ ᒦᒐᓐ ᐆᒪᑎ ᐱᓕᕆᐊᓴᒃᑰᕐᓗᑎᑦ ᑲᐅᔨᒃᑲᓐᓂᕈᒪᒍᕕᑦ.
ᖃᕆᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ:
ᐃᓕᓐᓂᐊᕈᒪᔪᓂᒃ ᐱᕙᓪᓕᐊᓛᖅᐳᒍᑦ, ᐃᓕᓐᓂᐊᖅᑎᑦᑎᓂᖅ ᐃᒃᓂᓂᕐᒧᑦ ᐃᑲᔪᖅᑐᐃᓂᖅ ᐱᒋᐊᖅᓵᓕᓛᓕᖅᑐᖅ!
ᐊᖏᕐᓂᖅ ᐆᒻᒪᑎ ᐃᕐᓂᐅᕐᓂᕐᒧᑦ ᐃᑲᔪᖅᑐᐃᓂᖅ ᐱᓕᕆᐊᒃᓴᖅ ᐸᓯᔭᒃᓴᐅᙱᒻᒪᑦ
ᐆᒻᒪᑎ ᐃᕐᓂᐅᕐᓂᕐᒧᑦ; ᐃᖃᔪᖅᑐᐃᓂᕐᒧᑦ ᐱᓕᕆᐊᒃᓴᖅ ᑐᓴᐅᒪᑎᑦᑎᓇᓱᖕᒪᑦ ᐃᓕᖁᓯᑐᖃᒃᑯᑦ ᐊᒻᒪᓗ ᐃᓕᖁᓯᖓᓂᒃ ᐃᕐᓂᓱᖕᓂᐅᑉ ᐊᔨᒌᖏᑐᒥᓗ ᐃᓕᓐᓂᐊᖅᑎᑦᑎᓂᖅ ᐋᓐᓂᐊᓯᐅᑎᑦᑰᖓᙱᓗᓂ ᐃᑲᔪᖅᑐᐃᓂᖅ ᕿᑐᕐᖏᐅᕈᓐᓇᕐᓂᖓᓂ ᐊᕐᓇᖅ. ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᖅ ᐋᖅᑭᒃᓱᖅᓯᒪᕗᖅ ᑭᓯᐊᓂ ᐃᓕᓐᓂᐊᖅᑎᑎᑦᑎᓂᕐᒥᒃ. ᐃᓚᒋᔭᐅᔪᖅ ᑕᑎᒃᓴᕆᐊᖃᙱᑦᑐᖅ ᑖᓱᒥᖓ ᑐᓴᐅᒪᑎᑦᑎᓂᕐᒥᒃ ᑭᖑᕕᖅᓯᓗᓂᓘᓃᑦ ᐋᓐᓂᐊᓯᐅᑎᐅᑉ ᐱᖁᔭᖓᓂᒃ, ᐋᓐᓂᐊᖓᓂᒃ ᖃᐅᔨᑎᑕᐅᓂᕐᒧᑦ ᐅᕝᕙᓘᓐᓃᑦ ᐃᓗᐊᖅᓴᖅᑕᐅᓂᖓᓂᒃ. ᐃᓱᒫᓗᒋᔭᖃᕈᕕᑦ ᐅᕝᕙᓘᓐᓃᑦ ᑲᒪᒋᔭᕗᑦ ᐊᐱᖁᑎᒃᓴᖃᖅᐸᑕ ᖃᓄᐃᓐᓂᕆᔭᕐᓂᒃ, ᐅᖃᖃᑎᖃᕈᓐᓇᐃᓐᓇᐅᔭᖅᐳᑎᑦ ᐃᓗᐊᖅᓴᐃᔨᒥᒃ ᓘᒃᑖᒥᒡᓘᓃᑦ. ᐆᒻᒪᑎ ᐃᕐᓂᐅᕐᓂᕐᒧᑦ ᐃᖃᔪᑐᐃᓂᕐᒧᑦ ᐃᓕᓴᐃᔨᐅᔪᑦ ᐃᒻᒥᒃᑰᖅᐳᑦ ᐃᕐᓂᐅᕐᓂᕐᒧᑦ ᐊᒻᒪᓗ ᑲᑎᖓᔪᓄᑦ ᐃᑲᔪᖃᑦᑕᖅᑑᒃ ᐅᖃᐅᓯᕆᖃᖅᑕᖅᑕᖏᑦ ᐃᓱᒪᒋᓯᒪᔭᖏᓪᓗ ᐅᖃᐅᓯᐅᔪᑦ ᐃᓕᓐᓂᐊᖅᑎᓪᓗᒋᑦ ᐃᑭᐊᖅᑭᕕᒃᑯᓪᓗ ᐃᓕᓴᐃᔨᐅᑉ ᐱᓂᐊᕐᓂᖏᒃ ᐆᒻᒪᑎᐅᑉ ᐃᕐᓂᐅᓂᕐᒧᑦ ᐱᓕᕆᐊᕐᓴᐅᑉ ᐱᓂᐊᕐᓂᕆᙱᑕᖏᑦ.
ᐃᓘᓐᓇᓂ ᐆᒻᒪᑎ ᐃᕐᓂᐅᕐᓂᕐᒧᑦ ᐃᑲᔪᖅᑐᐃᓂᖅ ᑐᓴᐅᒪᔭᐅᔭᕆᐊᖃᖅᑐᓂᒃ ᑐᓴᖅᑎᑦᑎᓪᓗᓂ ᐃᓕᓐᓂᐊᖅᑎᑦᑎᓂᐅᕗᖅ. ᐅᐸᒃᑐᓄᑦ ᐃᓕᓐᓂᐊᖅᑐᓄᑦ, ᑐᓴᕆᐊᖃᕐᑕᕐᓂᒃ ᐃᓕᓐᓂᐊᖅᐳᑎᑦ ᐊᒻᒪᓗ ᖃᐅᔨᕙᓕᕈᑎᒃᓴᓂᒃ ᐱᑎᑕᐅᓪᓗᑎᑦ. ᖃᕐᓄᓕ ᑕᐃᒪ ᐱᓂᐊᓕᖅᐱᒋᑦ ᑐᓴᖅᑕᑎᑦ ᐸᓯᔭᒃᓴᙳᖅᑎᑦᑎᔮᙱᑦᑐᖅ ᐅᕙᑦᑎᓐᓂᒃ. ᐆᒻᒪᑎ ᐃᕐᓂᐅᕐᓂᕐᒧᑦ ᐃᑲᔪᖅᑐᐃᓂᖅ ᐱᓕᕆᐊᒃᓴᖅ, ᑕᓯᐅᖅᑎᒌᑦ ᑲᑐᔨᖃᑎᒌᑦ ᐸᓯᔭᒃᓴᑑᒐᔭᖅᑐᑦ ᐱᔪᑎᒋᓪᓗᒍ ᐱᓕᕆᓕᕋᔭᕐᒪᑕ ᑕᑯᐊ ᐃᓗᓕᕆᔭᖏᓐᓂᒃ ᐱᓕᕆᐊᒃᓴᐅᑉ.
© ᐊᔨᓕᐅᖅᑕᐅᔭᕆᐊᖃᙱᑦᑐᖅ 2021, Uummati ᐃᑲᔪᖅᑐᐃᓂᕐᒧᑦ ᐱᓕᕆᐊᒃᓴᖅ